Jean Benedetti, un préfet dans la Résistance
(A redazzioni d'Alta Frequenza) - Cuntà u parcorsu parsunali di un altu rispunsevuli di l’amministrazioni prifetturali à l’epica di a Siconda Guerra Mundiali, è più particularmenti sottu à l’Occupazioni, participendu à tempu di manera attiva à a Resistenza, eccu l’aventura rializata da Arnaud Benedetti, autori di u libru « Un préfet dans la Résistance », publicatu da u CNRS. Iss’ultimu ci conta a storia di u so ziu, Jean Benedetti, primu prifettu di a Seine di u ghjinirali di Gaulle, essendu statu prima à u 1958 ad altri posti drentu à a prifetturali. Un altu funziunariu di u Statu chì hà resu grandissimi servizii à a Resistenza, salvendu dinò centinaii di Ghjudei da a dipurtazioni, è chì avarà riisciutu malgradu tuttu à tena u so postu. A voghja pà u so nipoti, cù iss’opara quì, di fà riscopra una figura sminticata di a Resistenza avendu sempri rivindicatu cù forza i so urighjini corsi.
Ecoutez Arnaud Benedetti.
Sur le même sujet
