Jean-Guy Talamoni, Jean-Charles Orsucci et Jean-Baptiste Luccioni interpellent François Hollande
(A redazzioni d'Alta Frequenza) - L'Assemblea di Corsica hà aduttatu dopu à dui ghjorni è dui nuttati assai longhi, è ind'i cundizioni ch'è no sapemi, u so primu pianu di sviluppu chjamatu stavolta quì Padduc. Di pettu à a natura di i dibattiti è u numaru di supensioni di seenza, l'Assemblea hè stata ubligata à rimandà à un'antra data u prugramma chì era statu privistu è dunqua dinò i quistioni urali è i muzioni chì ghjunghjini di regula in fin di seenza. À mezu à quissi quì, emi rimarcatu quilla prisintata à tempu da Ghjuvan Guidu Talamoni, Jean Charles Orsucci è Jean Baptiste Luccioni è chì lampa tuttu simpliciamenti una chjama à u Presidenti di a Republica. I trè eletti stimani ch'ellu ci voli à apra, o apra torna, cù u Statu un tempu novu di discussioni pà pudè fà saltà com'elli a dicini "i punti di blucchimi" chì asistini trà a Corsica è i so raprisintanti pulitichi è u guvernu. Chì sò ssi punti di blucchimi?
Steti à senta à Jean Charles Orsucci chì hà da difenda ssa muzioni duranti a sissioni di l'assemblea chì veni.
