Jean-Guy Talamoni pour l'élaboration d'une charte afin de développer l'emploi local
(A redazzioni d'Alta Frequenza) - A cursisazioni di l'impieghi! Rivindicazioni naziunalista dapoi sempri, era in discussioni a sittimana scorsa à l'Assemblea di Corsica. Cù 22 000 disimpiegati, vali à dì 11% di a pupulazioni attiva, a Corsica hè sempri inde l'ultimi pà ciò chì tocca a calata di u disimpiegu. A cursisazioni di l'impieghi hè stata prisintata duranti un tempu longu com'è una di i suluzioni chì pudariani parmetta di luttà contr'à ssu dannu ed hè ssa prublematica chì hè stata amintata ghjustu appuntu a sittimana scorsa da Ghjuvan Guidu Talamoni. U presidenti di l'Assemblea, in fatti, hà vulsutu parlà di una cartula pà l'impiegu lucali appiecata pocu fà nant'à l'isula di a Riunioni. Ùn si parlarà micca di "riunionisazioni" di l'impieghi, ma a parintia cù a difinizioni di a cursisazioni di l'impieghi hè propiu evidenti. Ghjuvan Guidu Talamoni si voli arrimbà à l'aduzzioni di ssa cartula pà fà valè quilla nant'à a Corsica.
Steti à senta à Ghjuvan Guidu Talamoni, u presidenti di l'Assemblea di Corsica.
Sur le même sujet
