Jean-Jacques Panunzi: les vœux-délibérations de l'Assemblée de Corse
(A redazzioni d'Alta Frequenza) - Ùn era micca veramenti l'ughjettu di a riunioni d'arimani (marti) ma u prifettu di Corsica l'hà fattu quantunqua davanti u cunsighju ghjinirali di Corsica Suttana. À l'uccasioni di a prisintazioni di u tradiziunali raportu di i servizi di u Statu in Corsica, Christophe Mirmand hè vultatu annant'à u dialogu ingaghjatu dipoi longhi mesi trà l'Assemblea di Corsica è u Statu. Trà i porti chì s'aprini appena eppo quilli chì sbattini, i GPS di l'uni è di l'ani chì t'ani di guai à accunciassi, u rispunsevuli u più altu di u Statu in Corsica l'hà ditta franca è chjara: u dialogu hè mantinutu ma u quadru è l'ubligazioni ghjuridichi di ssu dialogu sò cunnisciuti oramai. Jean Jacques Panunzi ùn hè micca statu surpresu da "ss'infrugnata" ind'u discorsu prifitturali di cunsiderazioni chì ùn erani micca privisti. Hè statu nè surpresu, nè stupitu in mali da i parolli di u prifettu di Corsica.
Steti à senta u presidenti di u cunsighju ghjinirali di Corsica Suttana.
Sur le même sujet
