Jean-Luc Chiappini se sentait il menacé ?
(A redazzioni d'Alta Frequenza) - Jean Luc Chiappini si sintia minacciatu ? L'inchiestadori pudariani pinsà à un affari simuli dopu à a scuparta ind'a so vittura di un'arma. Ùn avaria mai parlatu di i so minacci, sicondu altri detti. Hè l'unicu elementu novu chì hè spuntatu ind'è i servizii d'inchiesta dopu à l'assassiniu di u presidenti di u parcu righjunali di Corsica, ghjovi in Aiacciu. L'autopsia di a vittima sarà rializata oghji (sabbatu) è parmittarà di sapè u gennaru d'arma utilizata è soprattuttu quandu balli l'ani tocca di modu murtali. I funarali di Jean Luc Chiappini sarani celebrati luni dopu meziornu, inde u so paesi di Letia, duva ellu era merri. Di pettu à l'emuzioni in Corsica par via di a morti di Jean Luc Chiappini, merri di Letia è presidenti di u Parcu Naturali Righjunali di Corsica, EDF hà dicisu d'annulà l'inaugurazioni di u matrali idroelettricu di u Rizzanesi privisita issu luni u 29 d'aprili di u 2013, è di rimandà la à un'antra data. Eppo, dopu à iss'umicidiu, u cunsighju municipali s'hè adunitu ghjovi à sera sottu à a presidenza di u merri d'Aiacciu. Simon Renucci, chì era apparintatu à Jean Luc Chiappini, era inde u stessu avviò arimani chì ghjunghjia da Parighji. Aldilà di l'umaghju parsunali à a parsona morta, hà vulsutu fà nascia a riflessioni di tuttu u cunsighju municipali pà circà una, o parechji chjavi di cumprensioni à a situazioni attuali.
On écoute Simon Renucci
