Jean-Luc Romero était en Corse pour parler de l'euthanasie et du SIDA
(A redazzioni d'Alta Frequenza) - L'elettu parighjinu Jean Luc Romero hè ghjuntu pocu fà in Corsica pà pudè scuntrà i membri isulani di l'Associu pà u Dirittu di Mora ind'a Dignità - hè u so presidenti - è pà sinsibulizà eletti lucali à a lotta contr'à u SIDA, un sughjettu chì u cuncerna in particulari postu ch'ellu hè statu u primu è u solu puliticanti francesi à avè fattu cunnoscia a so seropositività. Cuncirnendu l'eutanisia, ci voli à fà torna assai prugressi d'appressu à l'ADMD, soprattuttu à u nivellu legislativu, a legi Leonetti annant'à a fin di a vita ùn essendu micca adattata pà contu soiu à a rialtà di i cosi, ublighendu certi parsoni à esiliassi pà fà piantà di manera vulintari i so suffrenzi. Cuncirnendu a lotta contr'à u SIDA, devi cuntinuà torna à u pianu puliticu pà Jean Luc Romero, chì ramenta ch'elli poni sbaglià l'apparenzi, parchì s'è a malatia dà l'impressioni d'essa cuntinuta in Francia, ùn c'hè mai statu un numaru cusì altu di parsoni chì campani cù u VIH in ssu paesi.
Steti à senta à Jean Luc Romero.
