Jean-Philippe Antolini candidat aux législatives pour Corsica Libera dans la 1ère circonscription de Haute-Corse
(A redazzioni d'Alta Frequenza) - A pudiami induvinà, ma hè oramai ufficiali : Ghjuvan Filippu Antolini sarà u candidatu di Corsica Libera à i legislativi ind'a prima circuscrizzioni di Corsica Suprana. Numinatu da i militanti di u partitu, t'avarà u so chì fà ind'una circuscrizzioni duva a campagna sarà ardita. In fatti, parechji vularani pighjà a suprana nant'à iss'ultima, trà u diputatu attuali, Sauveur Gandolfi-Scheit pà l'UMP, Jean Zuccarelli pà u PRG, Jean-François Baccarelli pà l'Allienza Eculugista è forsa Gilles Simeoni pà Femu a Corsica. Malgradu tuttu, Corsica Libera voli asista daveru inde issa campagna, purtendu a voci di quilli pà quali l'avvena di a Corsica passa pà u naziunalisimu. S'è i punti di primura di u prugramma com'è a libarazioni di i prighjuneri pulitichi, a lotta contr'à a speculazioni immubiliari o l'ufficialisazioni di a lingua Corsa sò sempri quì, u partita incalcarà dinò nant'à u latu suciali, cù frà altru a lotta contr'à a vita cara.
On écoute Jean-Philippe Antolini, candidat Corsica Libera pour cette première circonscription.
Sur le même sujet
