Jean Zuccarelli a lancé une pétition contre la collectivité unique centralisée
(A redazzioni d'Alta Frequenza) - Chì avvena pà Bastia ? Hè a dumanda ch’ellu si poni Jean Zuccarelli, chì, calchì ghjornu fà, hà lanciatu una petizioni contr’à a cullittività unica com’ella hè difinita da a legi NOTRe. D’appressu à ellu, à mezu à i ligni di a legi, nisun di i guaranzii dati à l’eletti in tarmini di dicintralisazioni di a futura cullittività hè matirializata pà daveru. Di fattu, quissu quì temi una ricintralisazioni di u puteri in Aiacciu, è a sclassifica di Bastia chì hè, par avà, una capitali pulitica dipartimintali. In una lettara scritta à u prima ministru, Manuel Valls, Jean Zuccarelli dici ancu ch’ellu temi a sclassifica di Bastia in sottu prifittura, è dumanda un referendum pà pudè validà o micca ssa cullittività unica.
Steti à senta à Jean Zuccarelli.
Sur le même sujet
