JIRS : Gabriel-Xavier Culioli entame une grève de la faim à son tour
(A redazzioni d'Alta Frequenza) - L'affari movini sempri in Aiacciu, da dinunzià l'atti di a JIRS. Dopu à Alanu Orsoni, Christian Leca è Pierre-Jean Giudicelli, una quatriesima parsona principia anch'ella una greva di a fami. Hè u scrivanu è ghjurnalistu Gabriel-Xavier Culioli. Iss'ultimu annunzia ind'un cumunicatu ch'ellu voli "cuntestà a ghjustizia d'eccezzioni è essa in sulidarità cù Guy Orsoni". Gabriel-Xavier Culioli, chì hè rammintemu la babbu di quattru fighjoli, è missiavu, dici ch'ellu ùn pudaria accittà "chì à nomi di un'efficacità chì ferma à dimustrà, u scopu ricircatu ghjustifichessi i mezi". Gabriel-Xavier Culioli ni chjama à i pulitichi.
