José Rossi : l'économie dans la campagne
(A redazzioni d'Alta Frequenza) - Ùn si custruisci micca un'ecunumia annant'à ruvini! A cundanna hè assai sivera ed hè quilla di José Rossi, chì prisintava stamani (marcuri) l'urientazioni di a so lista in materia ecunomica. I scelti pulitichi ritinuti da José Rossi è Les Républicains in u duminiu di l'ecunumia sò, ci voli à dilla, propiu upposti di pettu à quilli difiniti da a squadra attuali di l'Assemblea di Corsica. L'anzianu diputatu ùn la dici micca, ma a pensa di una manera forti : Paul Giacobbi hà avutu tuttu falsu in materia di sviluppu ecunomicu è u Padduc aduttatu calchì sittimana fà n'hè l'illustrazioni parfetta. Un'ecunumia purtata da u turisimu è u fattu d'uttena un gennaru di PEI novu, eccu i priurità avanzati da l'anzianu presidenti di l'Assemblea di Corsica.
U stemi à senta.
