Joseph Castelli va abandonner la présidence du conseil général de Haute-Corse
(A redazzioni d'Alta Frequenza) - A nutizia hè stata cunnisciuta in fin di dumenicata ind'u cunsighju generali di Corsica Suprana. Par via di prublemi di saluta, Joseph Castelli, chì hè statu elettu pocu fà senatori di Corsica Suprana, hà da lacà a presidenza di u cunsighju generali pà pudè cacciassi una carica impurtanti di travaghju. Mentri chì à manca, parechji cunsighjeri generali com'è Jacky Padovani, François Orlandi o ancu Petru Ghionga pudariani essa candidati à a so successioni, l'alizzioni di u novu presidenti duvaria essa urganizata à a fin di ghjinnaghju, postu chì a demissioni di Joseph Castelli di a presidenza è solu di a presidenza duvaria essa furmalizata in furia. Una situazioni chì piatta appena l'inghjocu impurtanti di a seenza di ghjovi, vali à dì u votu di u bughjettu primitivu di u 2015.
Steti à senta à Marie Hélène Djivas, a direttrici generali di i servizi di u cunsighju generali di Corsica Suprana.
Sur le même sujet
