L'œil de Gilles Simeoni sur la nouvelle donne politique
(A redazzioni d'Alta Frequenza) - I municipali ani inghjinnatu, senza dubbitu, u cambiamentu u più impurtanti ind'u paisaghju puliticu corsu dipoi ss'ultimi anni. Aiacciu è Bastia ani cambiatu di maghjurità municipali, cù l'alizzioni, pà a prima volta, di un merri naziunalistu inghjiru à un'unioni larga ind'a capitali di u Cismonti. Certi partiti pulitichi, certi currenti traputenti prima ani vistu u so pesi sdrughja, mentri chì certi altri ani presu un'impurtanza più maiò. Un affari chì pudaria fà cambià tuttu pà l'alizzioni tarrituriali di un antru annu, parchì calcosa hè sicura, i capatoghji è i cambiamenti forti sarani quì pà ricumpona novi forzi pulitichi, postu chì i dinamichi ani cambiatu. U currenti naziunalistu dittu "muderatu" hà presu i cumandi di un'allienza larga cù currenti più tradiziunali ditti prugressisti pà fà si ni falà a citadella di Bastia, ùn fendu micca entra à tempu l'altru currenti di u naziunalisimu raprisintatu da Corsica Libera. U listessu schema pudaria essa rifattu à u nivellu tarrituriali, è soprattuttu di l'alizzioni tarrituriali ?
Steti à senta à Gilles Simeoni, merri di Bastia ma dinò leader di Femu a Corsica cù Ghjuvan Cristofanu Angelini.
