L’Agence du Tourisme de la Corse dans le collimateur de la justice
(A redazzioni d'Alta Frequenza) - L’Agenza di u Turisimu di a Corsica suvitata da a ghjustizia. Sicondu a stampa lucali, i servizi di u prucuratori di a Republica d’Aiacciu avariani apartu un’inchiesta preliminaria dopu avè ricivutu una lettara anonima induv’ellu si tratta di suvvenzioni accurdati da l’ATC à calchissia vicinu à a presidenti. L’apartura di ss’infurmazioni ricullaria à a fin di u 2014, ma a direzzioni di l’ATC avaria datu à l’inchiestadori sfarenti ducumenti cuncirnendu i suvvenzioni attribuiti dipoi u 2012 è i ghjustificativi di i spesi di a presidenti à a mità di u mesi d’aprili 2015. Ducumenti chì sò stati presi dunqua pà pudè fà parechji verificazioni. Da un’antra banda, un’antra inchiesta annant’à l’attribuzioni di u marcatu cuncirnendu a rialisazioni di u stand di l’Agenza inde parechji saloni hè stata purtata davanti a ghjustizia da un’intrapresa cuncurrenti chì stima ch’ella hè stata sfavurizata. Luni, l’affari era ghjudicatu davanti u tribunali amministrativu. U rapurtadori publicu hà prupostu un’indennità di 25 000 auri. A sucità ni dumandava 180 000 auri. A dicisioni duvaria essa cunnisciuta da quì à una quindecina di ghjorni.
