L'agriculture doit-elle servir à nourrir les hommes ou à amasser du capital ?
(A redazzioni d'Alta Frequenza) - I lampioni di a festa si sò spinti porta di Versailles cù a fini di u 50u salonu di l’agricultura di Parighji. Si pò bè parlà di festa parchì torna una volta i prudutti corsi, posti nant’à un stand di più di 500 m2, ani avutu un successu di più in più maiò. Si pò ammintà par asempiu u risturanti di a Corsica, un risturanti dittu pedagogicu, chì hà vistu a so fraquintazioni crescia di 38% di pettu à annu ; più di 400 ripasti sò stati sirvuti ogni ghjornu in fatti. È ùn vultaremi micca nant’à i 102 medagli uttenuti da i prudutti corsi à l’uccasioni di i sfarenti cuncorsi. Pari chì a crisa di cunfidenza ver di i prudutti agro alimentarii industriali avissi ghjucatu un rollu inde issu ritornu di i cunsumatori ver di i prudutti di a tarra . L’agricultura devi ghjuvà à nutriscia l’omi o à racoglia assai soldi ? Hè una dumanda nant’à a quali u presidenti di l’Assemblea di Corsica pò risponda senza prublema.
Écoutons Dominique Bucchini.
