L'alimentation des centrales électrique de Corse en débat à l'Assemblée de Corse
(A redazzioni d'Alta Frequenza) - L'assemblea di Corsica hè adunita pà a prima volta di l'annu oghji (ghjovi), pà una sissioni chì hà da durà dui ghjorni. À u prugramma di issa matinata, i quistioni urali à l'Esecutivu, chì si pudiani suvità com'è sempri in direttu è di modu sanu nant'à i nostri ondi. Una tematica chì tocca u mondu puliticu dipoi parechji mesi, è ancu parechji anni : l'alimentazioni di i centrali elettrichi, è frà altru quilla di Lucciana. Nadine Nivaggioni, pà u gruppu Femu a Corsica, intarrugava à Maria Giudicelli, nant'à a mudificazioni di a Prugrammazioni Pluriannuali d'Investimenti è nant'à a cumanda di i mutori. In cori à u dibattitu, i mezi d'alimentazioni è a scelta di u cumbustibuli. U gruppu naziunalistu stima in fatti chì par avà l'ingaghjamentu di tutta l'Assemblea di Corsica ùn hà purtatu à nisuna mudificazioni di issa PPI. Maria Giudicelli hà rammintatu chì issa quistioni hè stata trattata duranti l'intrattenu di a fini d'annata trà u prifettu di Corsica è u presidenti Giacobbi. Sarà trattata torna una volta, u 30 di ghjinnaghju, quandu chì Paulu Giacobbi scuntrarà u ministru Besson. A cunsighjera hà stimatu frà altru chì a prifarenza pà u gaz si pudaria fà ind'u quadru di a PPI attuali, ind'u casu di una cunfirmazioni ferma è difinitiva di u guvernu.
Écoutez Maria Giudicelli.
Sur le même sujet
