L'amendement pour la création d'une collectivité unique en Corse adopté par l'Assemblée nationale
(A redazzioni d'Alta Frequenza) - L'amendamentu postu da u guvernu pà pudè crià una cullittività unica in Corsica in u 2018, ind'u quadru di a legi annant'à a Nova Urganisazioni Tarrituriali di a Republica, hè statu aduttatu stanotti in prima littura à l'Assemblea naziunali. In un emiciculu appena disertu, u dibattitu avarà duratu un'ora à pocu pressu, animatu soprattuttu da i diputati corsi. Annant'à i trè parlementarii isulani prisenti, Paul Giacobbi hà vutatu à prò, mentri chì Camille de Rocca Serra è Laurent Marcangeli, com'è l'UMP, ùn ani micca vulsutu participà à u votu, par via par asempiu di l'assenza di referendum è di manera più generali pà ciò chì tocca u metudu di u guvernu, vali à dì passà pà un simplici amendamentu inveci di un prughjettu di legi specifica à a Corsica. Pà contu soiu, a ministra di a Dicintralisazioni, Marylise Lebranchu, hà datu un appuntamentu à l'eletti corsi u 13 d'aprili in Parighji, pà pudè cuntinuà u dialogu annant'à ssa cullittività unica.
Sur le même sujet
