L'ancienne place du marché d'Ajaccio poursuit sa métamorphose
(A redazzioni d'Alta Frequenza) - Dipoi guasgi dui mesi, l’anziana piazza di u marcatu d’Aiacciu, annant’à u square Campinchi, cuntinueghja a so trasfurmazioni. Hè oramai tutta cuparta di catramu è hà da divintà, da quì à calchì sittimana, un parking pruvisoriu cù à pocu pressu 200 piazzi à pagà. S’è l’aspettu esteticu ùn hè micca famosu par avà, dà quantunqua appena d’aria à l’Aiaccini à u nivellu di u staziunamentu. Una suluzioni pruvisoria, a ripetimu, postu chì ssi lochi si duvariani mutà à l’avvena in piazza urbana maiò, ma à una cundizioni sola : chì un parking di guasgi 1 000 piazzi sighi custruitu, in u settori di a gara, ciò chì ùn hè ancu fattu.
Steti à senta à Laurent Marcangeli, diputatu è merri d’Aiacciu.
Sur le même sujet
