L'année 2015 s'annonce difficile pour la CCI de Haute-Corse
(A redazzioni d'Alta Frequenza) - Pà a so prima assemblea generali di l’annata 2015, a Camara di Cummerciu è d’Industria di Corsica Suprana hà fattu passà un missaghju chjaru : l’annata 2015 ùn sarà micca faciuli. Prima, una parti di u capitali di u funziunamentu di a CCI di Corsica Suprana presa da u Statu, calcosa di privistu dipoi un pezzu com’è pà tutti i CCI di Francia, ùn si farà micca à 800 000 auri com’è privistu in un’ultima virsioni dighjà in crescita ma à più di 1,8 millioni d’auri. Vali à dì chì a capacità d’azzioni di a CCI pà pudè aiutà u mondu di l’intrapresa hè minacciata s’è a CCI ùn trovi micca riintrati novi. Altri cartulari pessimi, quillu di i trasporti, ch’ellu si trattessi di u cartulari sempiternu di u serviziu marittimu o di a futura neguziazioni nova di l’OSP di l’aereu, induva l’impressioni di a CCI hè chì Bastia hè torna quilla chì hè a menu cunsidarata. Tuttu què cù un marcatu di l’impiegu chì hà da cunnoscia tempi gattivi novi, è què da quì à calchì sittimana quandu, sicondu l’infurmazioni di a CCI, intrapresi di u BTP ani da disimpiegà una parti di u so parsunali.
Sur le même sujet
