L'appel de la Gauche Autonomiste à Femu A Corsica
(A redazzioni d'Alta Frequenza) - I raprisintanti di a Manca Autunumista tiniani stamani (ghjovi) una cunfarenza di stampa in Aiacciu. Un'intarvinzioni cunsacrata à i cunsiquenzi di l'alizzioni di François Hollande pà a Corsica, ma dinò à i legislativi di i 10 è 17 di ghjunghju. È a squadra pulitica, da a voci di Vincent Carlotti, hà dicisu di lampà una chjama à Gilles Simeoni è Ghjuvan Cristofanu Angelini, candidati tramindui pà Femu A Corsica. In fatti, pà l'ecchisi merri d'Aleria, i dui autunumisti ani fattu "dui errori murali", prima ùn dinunziendu micca a parti "votu ideulogicu" ind'u votu Front National, eppo dopu ùn pighjendu micca pusizioni à prò di François Hollande pà a prisidinziali, di pettu à a "svianza di a campagna di Nicolas Sarkozy". Una chjarificazioni nicissaria, d'appressu à Vincent Carlotti, chì devi essa arricata da i dui candidati, frà altru à certi alittori di manca chì pudariani forsa vutà pà Femu A Corsica pà issi legislativi.
Écoutez Vincent Carlotti
Sur le même sujet
