L'arabe indésirable à la fête de l'école de Prunelli-di-Fiumorbu : menaces et plainte pour finir l'année
L'arabe indésirable à la fête de fin d'année de l'école de Prunelli-di-Fiumorbu : menaces et plainte au programme
(A redazzioni d'Alta Frequenza) - L'affari faci assai rimori è inghjenna una pulemica è l'indignazioni annant'à i reti suciali. A festa di fin d'annata di a scola primaria di Prunelli di Fium'Orbu hè stata annulata da a direttrici di a scola, sicondu l'ispizzioni d'Accademia, par via di a "mancanza di securità" custatata. In una cumunicazioni adirizzata à i parenti d'elevi, era privistu chì i zitelli cantessini a canzona Imagine di John Lennon, in parechji lingui : u francesi, u corsu, l'inglesi, u spagnolu è l'arabu. Si tratta di i lingui parlati da i zitelli di a scola. Ssu cantu multilinguu avaria postu un prublema à certi parenti d'elevi è a situazioni saria impeghjurita dopu postu chì sicondu l'ispizzioni di l'accademia di Corsica, l'insignanti sariani stati vittimi di minacci. D'appressu à l'ispizzioni d'accademia di Corsica sempri, certi parenti si sariani dunqua upposti à u fattu chì i zitelli cantessini in lingua araba è avariani dinò vulsutu "zifulà l'elevi à u mumentu induva i canti si fariani in arabu". Postu chì insignanti sò stati minacciati, una lagnanza contr'à X hè stata posta da l'ispittrici d'accademia di Corsica.
Sur le même sujet
