L'Assemblée de Corse a adopté le rapport sur l’attribution des lignes de DSP de bord à bord
Ghjovi, l’assemblea di Corsica hà vutatu à l’unanimità u raportu pà l’attribuzioni di a DSP in bordu à bordu.
A dicisioni, à pena innanzi à i sei ori di sera, hà missu in risaltu l’attaccamentu di l’eletti à a so cumpagnia.
Una sudisfazzioni pà i impiicati, ma ferma quantunca u pinseri di a DSP par parigi. Si n’hè sempri à i niguziati, è a risposta duvaria vena di marzu. Intantu ch’idda venga, a DSP attuali sarà prutetta.
Innanzi à issa sissioni, si hè fatta un’accolta in sustegnu à Air Corsica davanti à l’assemblea di Corsica.
Pà u diputatu lla siconda circuscrizzioni llu Cismonti, ci voli à sicurizà ciò chì asisti, ma à curtu andà ci hà da vulè à purtà la più in là a riflissioni.
Steti à senta à Jean-Félix Acquaviva
Jean-Christophe Angelini hà dittu, ancu iddu, quant’iddu tinia à a cumpagnia di a Corsica, è quant’iddu era impinsiritu pà i impieca.
Pà u prisidenti di u gruppu Avanzemu, ci voli chì l’assemblea pensi, à curtu andà, à i mudelli è suluzioni pruposti.
Steti à senta à Jean-Christophe Angelini
Ghjuvan’Paulu Poletti - ùn ci hè bisognu à prisintà lu ! - hè ghjuntu ancu iddu par dì u so ricusu di veda « l’aceddi pridaghji in u celi di Corsica ».
Steti lu à senta.
Ben’intesa, u STC di a cumpagnia era supr’à locu. U sindicatu hà ripitutu quant’iddu era
impinsiritu, pà a DSP di parigi.
Steti à senta à François Cipriani.
Sur le même sujet
