L'assemblée de Corse se penche sur les Arrêtés Miot et la fiscalité relative au tabac
(A redazzioni d'Alta Frequenza) - L'assemblea di Corsica hà aduttatu ghjovi scorsu, dui deliberazioni rilativi à u regimi fiscali chì s'appieca à i successioni in Corsica, è nant'à u regimi dirugatoriu nant'à a fiscalità liata à u tabaccu. I famosi Arresti Miot ùn compiini più di dà u capighjiru à i fiscalisti o à i raprisintanti pulitichi, parchì chì pà ciò chì tocca à a so sparizioni tutali è difinitiva, si pò dì chì ùn ci hè cà una sola regula : ci voli à mova si pianament'è bè. S'è u primu testu hè statu aduttatu à l'unanimità dopu à una mudifica cumunista, u raportu rilativu à u tabaccu hà vistu dui voti contru, quillu di Josette Risterucci è quillu di Jean-Baptiste Luccioni, par raghjoni di saluta publica. Aldilà di u carattaru tennicu di i cartulari, un'idea glubali s'hè fatta veda duranti tutti issi dibattiti, è particularmenti ind'i parolli di Paulu Giacobbi : u statutu attuali di a Corsica ùn parmetti micca à quissa quì di sviluppà una fiscalità chì li sighi particularmenti bè adattata. Un affari chì hà bè intesu Jean-Guy Talamoni.
Écoutez Jean-Guy Talamoni.
Sur le même sujet
