L’Associu Sulidarità dénonce la situation carcérale de Charles Pieri
(A redazzioni d'Alta Frequenza) - L'Associu Sulidarità hà urganizatu stamani (sabbatu) una cunfarenza di stampa davanti a prighjoni d'Aiacciu, pà ammintà a situazioni di u militanti naziunalistu Carlu Pieri, incarceratu in ssa prighjoni quì dipoi u mesi di ghjungnu scorsu è una cundanna di trè anni. Malgradu una dumanda ufficiali fatta da quissu quì par essa trasferitu à u centru penitenziariu di Borgu è essa avvicinatu da a so famighja è i soi, quissa quì ùn hè ancu à sbuccà, dinunzia l'Associu pà quali Carlu Pieri hè dinò privu di i cundizioni di ditenzioni privisti nurmalamenti pà un prighjuneru cundannatu di manera difinitiva. Sulidarità hà vulsutu fà cunnoscia dinò u casu di cinqui altri prighjuneri pulitichi trasferiti in Parighji di nuvembri di u 2013, è nant'à i cundizioni di ssu trasferimentu.
Steti à senta i spiecazioni di Ghjuvan Maria Poli, pà l'Associu Sulidarità.
Sur le même sujet
