L'auteure ajaccienne Anouk Langaney remporte le prix Marseillais 2015 du Polar
(A redazzioni d'Alta Frequenza) - Anouk Langaney hà guadantu u premiu Marsighjesu 2015 di u Polar, cù u so libru Même pas morte ! stampatu ind'è l'edizioni Albiana. Deci autori erani raprisintati è difesi da avucati di Marseghja, in u tribunali effemeru di u Corsu Julien, direttu da Gilles Del Pappas. Hè dunqua un premiu chì faci prò, chì ricumpensa l'autori aiaccina è l'edizioni Albiana. Ùn vi scurdeti ch'è vo pudeti ritruvà à Anouk Langaney tutti i marti è vennari à sera à 9 ori è 30 annant'à Alta Frequenza, in u quadru di i so cronachi literarii. Ghjustu appuntu, emissioni spiciali arrighjistrati duranti u fistivali di u polar marsighjesu sarani diffusati.
Steti à senta à Anouk Langaney.
