L'Eglise de Corse lance l'opération dite denier 2015
(A redazzioni d'Alta Frequenza) - A Ghjesgia di Corsica hà lanciatu l'uparazioni ditta "danaru 2015". Ciò chì si chjamava prima u danaru di u cultu, oghji danaru di a Ghjesgia, hè un'uparazioni urganizata pà i Cristiani, cù u scopu di racoglia i soldi nicissari pà fà viaghjà com'ellu ci voli u viscuvatu. Dopu à calchì annata nera, par raghjoni annant'à chì ùn vultaremi micca è a calata di fiducia custatata tandu, a cunfidenza volta ind'è i cridenti, postu chì u danaru 2014 hà arricatu 17% in più di pettu à l'annata scorsa. 470 000 auri sò stati racolti dunqua pà tutti i ghjesgi di Corsica; u viscuvatu publicheghja d'altrondi un bilanciu pricisu, par ogni cumuna, par ogni parochja, di i mezi arrighjistrati. Una cuntintezza pà a Ghjesgia di Corsica : u numaru di parsoni chì l'aiutani cresci, vali à dì 4 700 annu, pà un donu mezanu di 100 auri; si rimarca quantunqua chì ssu sciffru currispondi esattamenti à a mità di quillu custatatu à u nivellu naziunali. Risorza principali di a Ghjesgia di Corsica, u danaru ùn copri micca di sicuru tutti i so bisogni.
Steti à senta à Monsignori Olivier de Germay, u Vescu di Corsica.
Sur le même sujet
