L'Etat organise la lutte contre le travail dissimulé et la concurrence déloyale dans le BTP
(A redazzioni d'Alta Frequenza) - Ni parlemi dipoi ssu marti, una cunvenzioni pà luttà contr'à u travaghju à u neru è a cuncurrenza micca leali ind'u settori di a custruzzioni hè stata firmata trà u Statu, i so sfarenti servizi (pulizza, gendarmeria...), l'urganisimi suciali è i federazioni dipartimintali di u BTP. In u 2013 in Corsica, l'attività hè calata di 7%, com'è u sciffru d'affari di l'intrapresi è carnetti di cumandi di menu in menu riempiuti. Listessu affari pà l'impiegu cù una situazioni chì hè impeghjurita : 194 sò stati distrutti ind'u settori trà u prima trimestru di u 2013 è u prima trimestru di u 2014. Sciffri chì, aldilà di a situazioni ecunomica attuali, sò dunqua torna più pessimi sicondu i prufiziunali par via di a crescita di a cuncurrenza micca leali di certi intrapresi, chì impiegani di più in più è essendu fora di legi travaghjadori ghjunti da u stranieru. A cunvenzioni firmata ssu marti privedi dunqua di più cuntrolli inde l'intrapresi, un'identificazioni più bona di i salariati annant'à i cantieri è di più severità contr'à quilli chì ùn rispettani micca i reguli cù sanzioni infini. S'è u "travaghju à u neru" camparà torna pà un tempu longu malgradu tuttu, a direttrici di a DIRECCTE hè cunfidenti pà ciò chì tocca l'efficacità di ssu dispusitivu.
Steti à senta à Géraldine Morillon.
