L'Europe et la Corse : Le sentiment de Patrice Terramorsi
(A redazzioni d'Alta Frequenza) – Vincent Peillon, anzianu ministru di l’Educazioni naziunali è diputatu aurupeu ghjunghjarà in Corsica ssu luni. Purtarà a lista di u Partitu Sucialistu pà a circuscrizzioni maiò ditta « Sud Est » pà l’alizzioni aurupea di u 25 di maghju, duva c’hè a Corsica, rammintemu la. Nisun corsu sarà prisenti in pusizioni d’essa elettu annant’à a so lista, ancu s’è u 4u postu hè statu attribuitu à Valérie Rossi Poli, una corsa eletta inde l’Alpi. U Partitu Sucialistu svilupparà duranti ss’alizzioni un’argumentazioni arrimbata à 24 temi maiò prisintati ind’u so matiriali di campagna ; ci vultaremi. Aspittendu u leader di a lista, u PS di Corsica Suttana hà prisintatu Patrice Terramorsi, chì sarà candidatu ma in quantu cà suppleenti annant’à a lista di Vincent Peillon. Aldilà di i cunsiderazioni naziunali o aurupei, emi vulsutu sapè comu u partitu di u guvernu vedi a rilazioni trà l’Auropa è a Corsica à u mumentu duva ellu si dici chì a nostra isula hè ind’un mumentu di ricumpusizioni pulitica tutali.
Steti à senta à Patrice Terramorsi.
Sur le même sujet
