L'examen du projet de la Testa Vintilegna reporté
(A redazzioni d'Alta Frequenza) - L'asamini di u prughjettu di crazioni di una zona d'urbanisazioni nant'à u situ di a Testa Vintilegna in Figari, chì duvia essa fattu marti ind'u Cunsighju di i siti, hè statu rimandatu finalmenti. L'associ di u cullettivu legi liturali, chì s'erani upposti subbitu subbitu à ssu prughjettu quì, ani ricivutu in fatti una lettara di u prifettu di Corsica annant'à ssu sughjettu. In ssa lettara, Christophe Mirmand dici "chì era meghju di ùn pighjà micca pusizioni nant'à ssu prughjettu particulari prima di cunnosci i reguli di sviluppu è d'urbanisazioni", vali à dì aspittendu l'elaburazioni di u Padduc. U prifettu di Corsica aghjusta d'altrondi chì ssu prughjett "custituisci à ssu mumentu quì una simplici urientazioni di u pianu lucali d'urbanisimu in traccia d'essa elaburatu da a cumuna di Figari. Privedi par asempiu, à u centru di una zona sinsibuli, accunciamenti in leia diretta cù l'urientazioni di sviluppu in corsu di discussioni." Un asamini rimandatu, prima d'essa annulatu parchì micca? Un affari chì ci vularà à suvità...
Sur le même sujet
