L'hommage du Barreau d'Ajaccio à Antoine Sollacaro, disparu il y a deux ans
(A redazzioni d'Alta Frequenza) - Dui anni dopu à l'assassiniu in Aiacciu d'Antoine Sollacaro, anzianu raprisintanti di l'Ordini di l'avucati, l'Ordini d'Aiacciu hà dicisu di rendali un umaghju ssu ghjovi, u ghjornu anniversariu di a so sparizioni, annant'à i marchji di u Palazzu di Ghjustizia. C'hè stata una minuta di silenziu à l'uccasioni di ssu mumentu cusì partuculari. Ma prima, u raprisintanti attuali di l'Ordini di l'avucati d'Aiacciu, Dumè Ferrari, hà presu a parolla duranti un discorsu. Hà resu un umaghju putenti, ramintendu i qualità umani è prufiziunali d'Antoine Sollacaro, amintendu a so lotta pà a difesa di i libertà è a so ustilità forti contr'à i ghjuridizzioni d'eccezzioni. Un Ordini di l'Avucati d'Aiacciu chì devi pudè travaghjà in paci è cù tranquilità. In cunclusioni, Dumè Ferrari hà parlatu di l'avvena, quillu di a Corsica soprattuttu, è di a necessità chì a so identità, a so cultura è a so lingua sighini rispittati.
Steti à senta à Dumè Ferrari.
Sur le même sujet
