« L'insertion de la Corse dans la Constitution est inévitable et c’est le moment de le faire » pour la constitutionnaliste Wanda Mastor
(A redazzioni d'Alta Frequenza) - Mentri chì l'eletti isulani t'ani menu d'un mesi pà sottumetta à u guvernu i so pruposti pà scriva a Corsica in a Custituzioni, a custituziunalista Wanda Mastor hà prisintatu ssu vennari à a Cumissioni pà l'evuluzioni statutaria di a Corsica u so raportu à prò d'un statutu custituziunali novu pà l'isula, à a dumanda di u presidenti di l'Assemblea di Corsica, Ghjuvan Guidu Talamoni. Lighjendu ssu raportu, un'evidenza chì spunta : aghjustà un articulu novu, u 74-2, in a Custituzioni. U scopu : dà à a Corsica un "statutu chì l'accurdessi l'autunumia legislativa inde certi materii, chì ùn andaria micca contr'à u principiu di l'indivisibilità di a Republica, è chì currispundaria à a tindenza dicintralisatrici francesi è aurupea". Malgradu tuttu pà Wanda Mastor, hè più cà mai impurtanti oghji di parlà di più di i puteri ch'ella pudaria avè l'Assemblea di Corsica, inveci di passà troppu tempu nant'à tali o tali articulu. Ancu s'ella temi una riforma chì pudarà essa una dillusioni, di pettu à un ghjacubinisimu sempri forti in Parighji, ciò chì laca quantunqua a pussibilità di pinsà à certi alternativi, a custituziunalista hè chjara : "l'inserzioni di a Corsica in a Custituzioni ùn si pò parà ed hè u mumentu di falla".
Steti à senta à Wanda Mastor, prufissori di dirittu publicu à l'Università Toulouse 1 Capitole.
Sur le même sujet
