L'interdiction totale d'emploi du feu prorogée jusqu'au lundi 27 octobre inclus en Corse
L'interdiction totale d'emploi du feu prorogée jusqu'au lundi 27 octobre inclus en Corse
(A redazzioni d'Alta Frequenza) - I prifetti di Corsica Suttana è di Corsica Suprana ani dicisu di prulungà torna l'interdizzioni tutali di fà fochi fin'è u luni u 27 d'uttrovi inclusu. In fatti, a sicchia assai forti di a vegetazioni ùn hè micca stata mudificata abbastanza da l'acquati micca impurtanti di ss'ultimi ghjorni. I timperaturi sò dinò assai alti di pettu à a media di a staghjoni, u risicu di fochi hè dunqua assai forti, soprattuttu par via di u ventu forti privistu ind'i dui dipartimenti à partasi di marti. Par via di tuttu què, a prisenza di i mezi naziunali in Corsica, cù dui Canadair in Aiacciu, è dui Tracker in Bastia, hè prulungata torna pà 48 ori à u minimu. Ss'interdizzioni di fà fochi pudarà essa valutata torna in fin di sittimana pà pudè tena contu di l'evuluzioni di i cundizioni climatichi. Da un'antra banda, è di pettu à u risicu "focu di furesta" par via di ssu ventu forti annunziatu da i servizi di Météo France, a circulazioni annant'à i chjassi è camini di i lochi di muntagna di Bunifatu, di u Fangu è di u tarritoriu di l'Agriati hè pruibita à i parsoni chì facini spassighjati è à i vitturi à partasi di ssu marti da 6 ori di mani fin'è marcuri à 8 ori di sera.
Sur le même sujet
