L'observatoire des violences faites aux femmes : où en est-on ?
(A redazzioni d'Alta Frequenza) - L'usservatoriu di i viulenzi fatti à i donni! Hè u sughjettu di a quistioni posta a settimana scorsa da Josette Risterucci à l'Esecutivu di Corsica. A cunsighjera di u Front de Gauche voli sapè, un annu dopu à a decisioni di l'Assemblea di Corsica di crià iss'usservatoriu quì, à chì n'hè issu cartulari. Iss'usservatoriu, dici Josette Risterucci, ùn devi micca essa un simplici effettu d'annunziu, parchì issu tippu d'arnesi quì hà dighjà mustratu a so efficacità in altrò. Hè Maria Giudicelli, chì hè stata incaricata d'arricà a risposta di l'Esecutivu. Dopu ad avè rammintatu u rolu di i Centri d'Infurmazioni nant'à i Diritti di i Donni è di i Famighji, hà missu in avanti chì un accunsentu largu hè stata ingaghjata nant'à issu sughjettu. A cumissioni "Viulenzi" di l'Assemblea travaghja dinò nant'à issa quistioni quì è u quadru d'intarvinzioni di iss'usservatori duvaria essa prisintatu duranti u primu trimestru di u 2012.
Écoutez Josette Risterucci, pour le Front de Gauche.
Sur le même sujet
