L'opposition municipale bastiaise est inquiète après le premier mois de mandature
(A redazzioni d'Alta Frequenza) - Ssu luni, l'uppusizioni municipali bastiaccia, cù Jean Zuccarelli pà i radicali è vicini, è Francis Riolacci pà u Partitu cumunistu, hà urganizatu una cunfarenza di stampa pà vultà annant'à i primi sittimani di a mandatura di Gilles Simeoni. I dui gruppi, chì t'ani in tuttu novi eletti, si sò difiniti com'è un'uppusizioni attenti è si sò inchietati par asempiu di veda chì i prughjetti ingaghjati da l'anzianu merri, Emile Zuccarelli, prisenti di manera discreta à mezu à a ghjenti ssu luni, ùn avanzani più. À mezu à ssi prughjetti, l'uparazioni pà rinnuvà u centru anzianu, a rialisazioni di ciò chì si chjama a "via dolci" o u parking Gaudin, senza cuntà u portu di a Carbonite, l'uppusizioni dumandarà d'altrondi à a CTC chì ssu prughjettu righjunali sighi missu in piazza senza aspittà l'avisu di a maghjurità municipali. Jean Zuccarelli hà missu dinò in evidenza u fattu chì sicondu l'uppusizioni, i desiderii di trasparenza di a nova maghjurità ùn si vedini ancu.
Steti à senta à Jean Zuccarelli.
Sur le même sujet
