L'Université d'été de Régions et Peuples Solidaires jusqu'à ce samedi à Nantes
(A redazzioni d'Alta Frequenza) - Dipoi ssu marti è fin'è ssu sabbatu, c'hè in Nantes a 21esima Università d'istati di a Federazioni Regioni è Populi Sulidarii, di quali faci parti u PNC pà l'isula. Ssa Federazioni chì asisti dipoi 22 anni adunisci ogni annu sfarenti partiti di nazioni ditti senza Statu pà dibatta di quistioni pulitichi impurtantissimi. Aldilà di i grandi temi maiò abbastanza classichi, altri sughjetti, più in leia cù l'attualità sarani amintati, com'è u sustegnu à a candidatura à l'alizzioni prisidinziali di u 2017 di Christian Troadec, candidatu regiunalistu. Trà l'edizioni d'annu, chì era stata urganizata in Corsica, è quissa quì, un evenimentu puliticu maiò hè accadutu è tutti ssi rughjoni si ni sò bè avvisti : a vittoria di i naziunalisti duranti l'alizzioni tarrituriali di dicembri scorsu. Comu i sfarenti regioni vedini a cosa ?
Steti à senta à François Alfonsi, u presidenti di l'Allienza Libara Aurupea è portavoci di Regioni è Populi Sulidarii.
