La CAPA et le SYVADEC ensemble pour la valorisation des textiles en Corse
(A redazzioni d'Alta Frequenza) - Prisintazioni issu vennari di una prima azzioni cumuna trà a Cumunità d'Agglumerazioni di u Paesi Aiaccinu è u SYVADEC, pà una valurisazioni più bona di i testili in Corsica. Parechji punti di racolta sò stati missi in piazza in parechji lochi di l'isula dipoi dui anni, è nant'à u tarritoriu aiaccinu dinò, sottu à a forma di cuntenenti duva poni essa missi inde sacchi sarrati vestiti, scarpi, picculi sacchi, tissuti di mobuli o ancu panni di casa. È s'è una piccula parti di issi testili hè distrutta, 45% sò ritravaghjati è 40% sò riutilizati grazia à un partenariatu cù parechji associ caritativi incaricati di distribuiscia li à i parsoni ind'u bisognu. Un impegnu forti à u nivellu suciali, ma dinò ambientali, postu chì 750 tunnellati di testili sò stati racolti in dui anni. Nant'à 4 000 tunnellati criati in Corsica, u scopu hè di ghjunghja da quì à pocu trà 2 000 è 2 500 tunnellati racolti à trattà sopralocu, u restu essendu mandatu in cuntinenti.
Ecoutez Simon Renucci, le président de la CAPA.
