La CCAS tire la sonnette d'alarme
(A redazzioni d'Alta Frequenza) - Cunfarenza di stampa assai impurtanti ssu ghjovi di a direzzioni di a CCAS è di a CGT d'EDF pà dinunzià una situazioni propiu gravi chì spunta à cortu andà. Pà falla simplici, ci voli à pricisà chì i CCAS viaghjani cù u famosu 1% prilevatu annant'à u bughjettu glubali d'EDF. Cù i ristrutturazioni di u mumentu, spiccanza d'EDF è di GDF, multiplicazioni di sucità privati chì si stallani annant'à u marcatu di l'energia, ssu famosu 1% hè in traccia di riduciasi à più pudè. À u nivellu naziunali, hè calatu di 35 millioni d'auri è si privedi torna una calata di 33 millioni d'auri pà un antru annu. Sicondu a CCAS, t'avarà cunsiquenzi assai gravi annant'à u mantenimentu di l'impieghi inde i strutturi lucali è annant'à l'attività ecunomichi inghjinnati da a CCAS.
Steti à senta à Pierre Giudicelli, u presidenti di a CCAS.
