La CCI de Corse présente son plan d'action stratégique régional
(A redazzioni d'Alta Frequenza) - A CCI di Corsica, chì adunisci a Camara di cumerciu è d'industria di Bastia è di a Corsica Suprana è quilla d'Aiacciu è di a Corsica Suttana, hà missu in ballu i so schema setturiali di sviluppu. Ssi ducumenti difiniscini a strategia righjunali è a manera di viaghjà di i camari pà ciò chì si chjama u so cori di mistieri. Dopu à parechji mesi di travaghju, si ghjunghji dunqua à un pianu d'azzioni strategicu righjunali, à tempu à un antru pianu chì hè in traccia d'essa appruntatu: u Padduc. Prova chì si pò travaghjà insemi, i dui CCI ani prisintatu a so sintesi nant'à i servizii à l'intrapresi, nant'à a furmazioni è l'insignamentu è nant'à u sviluppu durevuli infini. A quattriesima parti purtendu nant'à a gistioni di i porti è di l'aeruporti sarà prisintata da quì à pocu. Antoine Mondoloni, u presidenti di a Camara righjunali era assai fieru di prisintà u travaghju rializatu da i dui camari di Corsica.
Steti à senta à Antoine Mondoloni.
Sur le même sujet
