La CCI de Haute-Corse et plusieurs artisans présents à la foire de Savona
(A redazzioni d'Alta Frequenza) - A CCI di Corsica Suprana dà una dimensioni ancu più forti à i so rilazioni cù l'Italia, è soprattuttu cù a cità di Savona. In fatti, dopu avè ricivutu in fin d'annata scorsa parechji risturatori è intraprenadori di ssa cità taliana ind'i lucali di u portu di cummerciu cù una prisintazioni di prudutti corsi numarosi, a dimarchja inde l'altru sensu hà da essa missa in ballu. A dumenicata di l'11 d'aprili, una quindecina d'artisgiani di i prudutti di manghjusca farà u viaghju fin'è Savona pà participà à a fiera annuali chì hè urganizata pà pudecci prisintà i so prudutti à i prufiziunali è à a pupulazioni. Dimarchji chì ani da cuntinuà cù un ghjiru urganizatu pà i prufiziunali taliani in piaghja urientali da quì à calchì sittimana.
Steti à senta à Paul Trojani, u presidenti di a Camara di Cummerciu è d'Industria di Corsica Suprana.
Sur le même sujet
