La CGT de la CAB ferme les services mercredi et dépose un préavis de grève
(A redazzioni d'Alta Frequenza) - L’ambienti suciali hè di più in più pessimu ind’a Cumunità d’Agglumerazioni di Bastia. In fatti, dopu à un’assemblea generali di guasgi un’ora, l’impiegati CGT di a CAB ani dicisu d’entra in azzioni di pettu à l’incertezzi chì pesani annant’à a so istituzioni. A prima, quilla di sarrà tutti i servizi di a CAB ssu marcuri, mentri chì u votu di u bughjettu, privistu par essa assai caldu, ci sarà. L’impiegati CGT ani privistu d’altrondi d’essa prisenti duranti u votu. A siconda azzioni, a greva. A CGT hà da pona un preavisu è duvaria entra in greva di fattu luni chì veni. À u centru di l’inghjochi, l’avvena di l’impieghi è di u regimi indennitariu, mentri chì l’anzianità di l’arnesi di travaghju o ancu u so carattaru periculosu hè dinunziata in certi servizii.
Steti à senta à Louis Tomei, secretariu sindicali di a CGT di a CAB.
Sur le même sujet
