La co-officialité de la langue corse seule alternative aux yeux de Femu a Corsica
(A redazzioni d'Alta Frequenza) - Issu marti, nanzi à u dibattitu è u votu nant'à a cuufficialità di a lingua corsa chì cuminciarani ghjovi, Femu a Corsica hà incalcatu torna nant'à a so prima pusizioni, quilla chì senza a cuufficialità, u corsu ùn pudarà micca essa salvatu. Filicitendu si d'essa dighjà ghjuntu à un dibattitu è à un votu nant'à u sughjettu, trenta anni dopu à a prima muzioni posta da Michel Castellani annant'à issu sughjettu, u partitu hà vulsutu dì torna l'inghjochi di l'asamini di issu testu appruntatu da u cunsighjeru esecutivu Petru Ghionga. Ammintendu i 90% di i Corsi à prò di u bislinguisimu sicondu un ultimu sundami, si trattarà, à mezu à d'altri affari di dimustrà chì u caratturu uzziunali di a lingua pò custituiscia un periculu pà a lingua, è chì à u cuntrariu, a cuufficialità ùn pudaria essa discriminatoria pà una parsona chì ùn ammaistreghja micca u Corsu o chì ùn hè micca corsa. È una certa cunfidenza hè prisenti malgradu l'uppusizioni di una parti di l'eletti tarrituriali à issa cuufficialità, cù una brama di Femu a Corsica, quilla di veda issu dibattitu micca affundatu da una mansa di mudificazioni.
On écoute Xavier Luciani, élu territorial Femu a Corsica.
