La cogénération, complément naturel d'une filière bois organisée et développée
(A redazzioni d'Alta Frequenza) - A sera vicinu à u focu, iè, brusgià vegetali ind'u so ghjardinu, iè, u 4X4 diesel davanti a casa iè, una stallazioni di cugenerazioni innò! Eccu u custatu fattu da i prumutori di una filiera nova di pruduzzioni d'elettricità chì si ghjova di a biomassa lucali. Di manera generali tuttu ognunu dici ch'ellu difendi l'energii di rinnovu ma ch'ellu si trattessi di u ventu, di l'acqua, di u soli è avali di a biomassa, l'avisi s'inversciani di pettu à a vicinanza cù i stallazioni privisti. Eppuru à parè di u Statu, una cintrali di cugenerazioni - si brusgia u legnu è resti di legnu pà pruducia l'elettricità - hè u cumplementu naturali di una filiera legnu urganizata è sviluppata. I stabilimenti Mufraggi, prumutori di un prughjettu di cugenerazioni in Santa Maria è Sichè, sò stati cunfruntati à u ricusu da a parti di a pupulazioni, o di una parti di a pupulazioni, di una stallazioni di ssu gennaru annant'à a cumuna cù cunsiquenzi gravi pà l'intrapresa.
Steti à senta à Jean Pierre Mufraggi.
Sur le même sujet
