La coofficialité de la langue corse indispensable pour Corsica Libera
(A redazzioni d'Alta Frequenza) - Mentri chì à partasi da issu ghjovi sarà prisintatu u raportu rilativu à a cuufficialità è à a rinvivita di a lingua corsa, chì duvia essa fatta u 25 d'aprili scorsu, ma chì era stata annulata par via di l'assassiniu di Jean Luc Chiappini, Corsica Libera s'hè spressu nant'à u sughjettu. U partitu hà ammintatu a necessità d'andà ver di a cuufficialità di a lingua corsa, è u votu di u testu chì saria un primu passu di primura. Una cuufficialità chì Corsica Libera voli ancu più forti, fendu passà u nivellu linguisticu dumandatu pà essa cunsidaratu com'è ammaistrendu a lingua pà un impiecanti pussibuli, da u nivellu B2 à quillu C1 via un amendamentu. U partitu naziunalistu ni punarà d'altri dinò, nant'à a forma o nant'à u fondu, com'è par asempiu a numinazioni di u rettori d'accademia da a Cullettività Tarrituriali di Corsica. Quissi quì sperani chì una maghjurità larga di l'emiciculu andarà à prò di u testu, è chì quilli chì sò appena contru, o tutalmenti, ùn vutarani micca contru ma piuttostu ch'elli si prununziarani micca.
On écoute Josepha Giacometti pour Corsica Libera.
Sur le même sujet
