La Corse crée de nombreux emplois, mais gagne des chômeurs : la faute à la démographie ?
(A redazzioni d'Alta Frequenza) - Un studiu rializatu da l'Agenza cintrali di l'urganisimi di securità suciali nant'à l'impiecu in Francia dimostra chì l'impiecu ind'u settori di a cuncurrenza hè firmatu stabuli in u 2012, cù à l'ingrossu 17,9 millioni di salariati. S'è certi rughjoni sò stati assai tocchi da a crisa, è ani persu impiechi di manera cunsiquenti, com'è u Nordu, u Centru, a Champagne Ardenne, a Picardia o a Franche Comté, inde altri rughjoni, inveci l'industria crea sempri impiechi. Frà altru in... Corsica. A nostra isula hè ancu u sicondu rughjoni ad avè criatu impiechi in u 2012, cù una crescita d'1,2% in u 2012, luntanu davanti à a media naziunali. Sciffri chì ci voli à rilativizà quantunqua. In fatti, postu chì a demugraffia corsa crescia più à lestra cà a criazioni d'impiechi, u sciffru di disimpiecu cresci dunqua anch'ellu, è assai. Ci parmetti di fà ssu custatu chì à u primu gradu, è solu à u primu gradu, ci pari essa paradussali : a demugraffia chì cresci senza piantà in Corsica dipoi parechji anni, faci cullà a so ecunumia, criendu à tempu novi parsoni senza impiechi. Pudariami cuncluda dunqua chì metta un frenu nant'à a crescita di a demugraffia isulana pudaria cuntribuiscia à fà calà u sciffru di u disimpiecu in Corsica.
Sur le même sujet
