La Corse, Ile Montagne : une revendication en passe de devenir une réalité
(A redazzioni d'Alta Frequenza) - A Corsica Isula Muntagna : una rivindicazioni purtata da l'Esecutivu di Corsica è u Cumitatu di Muntagna, è chì hè in traccia di divintà una rialità. In fatti, arimani, l'amendamenti posti à a nova Legi Muntagna di Jean Michel Baylet è purtendu ricunniscenza di ssu statutu sò stati aduttati da a cumissioni di l'affari ecunomichi di l'Assemblea Naziunali. Unu di l'amendamenti era quillu di u presidenti di l'ANEM è l'altri più specifichi di pettu à ssu statutu erani di Camille de Rocca Serra è di François Pupponi. Sò ssi dui ultimi chì sò stati ritinuti. L'Assemblea Naziunali asaminarà dunqua a simana chì veni ssu prughjettu di legi è a Corsica duvaria fà parti di u testu. Cù ssu testu, hè tutta a spicificità di l'isula in materia par asempiu d'accunciamentu di u tarritoriu o di fiscalità adattata in zona di muntagna chì sarà presa in contu.
Sur le même sujet
