La Corse pas vraiment impactée par la crise selon l'INSEE
(A redazzioni d'Alta Frequenza) - L'INSEE hà studiatu u dinamisimu di i rughjoni, pà ditarminà quilli chì ani suffertu u più di a crisa è di i difficultà di ssi vinti ultimi anni. In fatti, tutti i rughjoni ani arrighjistratu cresciti negativi di u PIB dopu à i regressioni di l'attività ecunomica di u 1993 è di u 2009. Tutti, fora di una. A Corsica. A nostra isula hè dunqua l'unicu rughjoni metrupulitanu cù una crescita sempri pusitiva dipoi u 1993. Ancu meghju, è sempri d'appressu à l'INSEE, trà u 1993 è u 2007, a crescita di u PIB hè trà +,2,5% è +2,8% à l'annu. Trà u 2008 è u 2011, i prugressioni sò menu putenti, ma trà +0,5% è +1,9% à l'annu quantunqua. A Corsica hè dunqua tocca da a cirsa, ma micca à u listessu nivellu cà l'altri rughjoni. Pudariami ancu dì ch'ella si sbroglia propiu bè.
Sur le même sujet
