La Corse, terre de laïcité : un débat organisé par la LDH le 2 mai à Bastia
(A redazzioni d'Alta Frequenza) - "A Corsica, tarra di laicità" ! Sarà u titulu di u dibattitu urganizatu da a Liga di i Diritti di l'Omi u sabbatu u 2 di maghju à dui ori è mezu in u teatru di Bastia. Un dibattitu ind'a seguita logica di l'attentati di Parighji di u mesi di ghjinnaghju è di i manifistazioni chì ani suvitatu, par asempiu in Corsica induva i raprisintanti di i sfarenti culti inde l'isula erani falati in carrughju cù millai di corsi. Pà ssa riunioni publica, a LDH hà invitatu dunqua à a tribuna u vescu di Corsica, u presidenti di l'adunita di i musulmani di l'isula, u raprisintanti di a cumunità israelita di Bastia o ancu a rispunsevuli di a ghjesgia prutestanti unita di Corsica. Altru invitatu, simbolicu par via di a so funzioni, u rettori di l'accademia di Corsica, com'è raprisintendu a scola di a Republica è laica. A laicità sarà trattata in fatti com'è fundamentu, ma dinò com'è valori è rialtà d'ogni ghjornu in a sucità corsa chì, malgradu ciò chì si pudaria pinsà, hè assai tocca da ssa quistioni, com'ella hè tocca par un dettu a sucità francesi.
Steti à senta à Antonin Bretel, pà a Liga di i Diritti di l'Omi in Corsica.
Sur le même sujet
