La Corse une nouvelle fois couronnée de succès au Salon de l'Agriculture de Paris
(A redazzioni d'Alta Frequenza) - U Salonu di l’Agricultura di Parighji s’hè compiu ssa dumenicata cù, torna una volta, un billissimu successu pà tutti i prudutti corsi. Ci voli à dì chì cù 16 appellazioni d’urighjini cuntrullata o prutetta, 4 indicazioni geugraffichi prutetti, un Label Rouge è 6 razzi animali ricunnisciuti, a Corsica hè a regioni chì t’hà u più labels di qualità. È si pò dì chì i risultati sò à l’altezza di ciò chì era spiratu. In fatti, pà tutti i settori, a Corsica s’hè buscata 92 medagli, frà i quali 73 pà i soli vini corsi. Trè midagli in oru pà l’oliu d’aliva, trè in oru dinò pà i prudutti di latti, argentu è bronzu pà i bieri ; l’anni passendu, i prudutti corsi sò di più in più ricumpensati, ciò chì faci dì à Stéphane Paquet chì i scelti chì sò stati fatti parechji anni fà sò stati i boni.
Steti à senta à Stéphane Paquet, u presidenti di a Camara d’Agricultura di Corsica Suttana.
Sur le même sujet
