La CTC adopte son budget primitif 2017 à l'issue de débats tendus
(A redazzioni d'Alta Frequenza) - A Cullittività tarrituriali di Corsica hà aduttatu arisera (ghjovi) u so bughjettu primitivu. Hè d’1,23 millardu d’auri, cù più di 533 millioni pà l’investimenti è più di 692 millioni pà u funziunamentu. Un dibattitu bughjettariu difficiuli duranti una bella parti di a ghjurnata è di a sirata, cù frà altru una discussioni nant’à u debbitu ; un debbitu hà pricisatu Gilles Simeoni attribuitu solu pà una parti chjuca à a so maghjurità, 51 millioni nant’à 609, u restu sò debbiti di l’anziani mandaturi. Un bughjettu primitivu particulari dinò, postu ch’ellu duvaria essa l’ultimu di a cullittività attuali, cù a nascita di a cullittività unita à u 1a di ghjinnaghju di u 2018.
