La CTC et OSEO remettent à Corse Composite Aéronautique le prix de l'Innovation Industrielle
(A redazzioni d'Alta Frequenza) - Corse Composite Aéronautique, ùn era tantu una surpresa, hà ricivutu oghji (ghjovi) da a parti di Paul Giacobbi è di Cécile Donsimoni u premiu dittu di l'Innovation Industrielle. Issu premiu, datu da a CTC è OSEO, parmittarà dopu di participà à u cuncorsu pà u premiu naziunali, sarà u 23 di marzu in Parighji cù Arnaud de Montebourg. Ci voli à dì chì Corse Composite, CCA com'ellu si dici avà, cunfirmeghja u so rollu di mutori ind'un settori d'attività ecunomicu è industriali di trinca, u settori aeronauticu. L'intrapresa aiaccina hà fattu cullà u so nivellu tennicu cusì altu, hà sviluppatu u so propiu scagnu di studiu, ch'ella hè passata da simplici "sous traitant" à quillu di "sous traitant" numaru unu. Hà ancu sviluppatu un'intrapresa in Tunisia pà delucalizà l'attività appena menu impurtanti. Puntu assai pusitivu in più : una bunissima nutizia hè stata annunziata calchì ghjornu fà cù una cumanda di più di 230 avviò pà una cumpagnia indunesiana.
Ecoutez Jean-Yves Leccia, directeur général de CCA.
Sur le même sujet
