La CTC présente son guide des aides au logement
(A redazzioni d'Alta Frequenza) - Paul Giacobbi è Maria Giudicelli ani prisintatu calchì ghjornu fà un guidu di l'aiuti à l'alloghju, un guidu isciutu direttamenti da a pulitica à prò di u fundariu è di l'alloghju in Corsica. Di pettu à l'urghjenza suciali liata à l'alloghju, a cullettività di Corsica hà dicisu di duppià l'aiuti, qualsiasi i settori... più di 5 millioni d'auri ci sò stati cunsacrati in u 2012. Aldilà di u finanziamentu di guasgi 1 200 alloghji suciali, a CTC hà missu in ballu un sistema d'aiutu pà renda più faciuli l'accessu à a pruprietà. Un aiutu da 5 000 à 10 000 auri pudarà essa datu à quilli chì omu chjama in francesi i "primo-accédants" à a pruprietà pà custituiscia a so cuntribuzioni parsunali. Dui mezi asistini pà regulà u marcatu immubiliari : o s'aiuta à quilli chì sò ind'a difficultà par avè un alloghju chì currispondi à ciò ch'elli aspettani, o s'imponi misuri à l'asseccu pà calmà l'appititti speculativi. È pari chì, da u cantu di u Grand Hôtel, omu hà dicisu di fà i dui.
Explications de Paul Giacobbi, président de l'Exécutif de Corse.
